ზელენსკიმ საქართველოდან ელჩი გაიწვია
ირაკლი ღარიბაშვის ხელისუფლება სკანდალში ეხვევა – უკრაინამ ელჩი იგორ დოლგოვი გაიწვია. გადაწყვეტილება რამდენიმე წუთის წინ, უკრაინის პრეზიდენტმა, ვოლოდიმირ ზელენსკიმ გაახმოვანა.
დიპლომატიური დემარშის მიზეზი, საქართველოს პრემიერის მიერ უკრაინის შესახებ გაკეთებული განცხადებები გახდა, როცა ღარიბაშვილმა მოხალისეები უკრაინაში არ გაუშვა და ცივილიზებული სამყაროს მიერ, აგრესორი ქვეყნისთვის დაწესებულ სანქციებს არ შეუერთდდა.
რაც შეეხება ჩვენს დიპლომატებს, მათი ქმედებები გამართლებულია იმ სახელმწიფოების მიმართ, რომელებმაც თავიანთი სიტყვა და საერთაშორისო ნორმები დაარღვიეს. დაუყონებლივ კონსულტაციებზე გამოვიწვიეთ უკრაინის ელჩი ყირგიზეთში, რადგან ამ ქვეყანამ რუსული აგრესია გაამართლა. ასევე ვიძახებთ კონსულტაციებზე უკრაინის ელჩს საქართველოში, რადგან მოხალისეები არ გამოუშვეს, ასევე სანქციებთან დაკავშირებით ამორალური პოზიციის გამო.” განაცხადა ზელენსკიმ.
უკრაინის პრეზიდენტმა ვოლოდიმირ ზელენსკიმ ვიდეომიმართვაში განაცხადა, რომ ელჩს იწვევს კონსულტაციებისთვის უკრაინისადმი დახმარების მსურველი მოხალისეებისთვის ხელის შეშლის და სანქციებისადმი გამოხატული პოზიციების გამო.
საქართველოს პრემიერმინისტრმა ირაკლი ღარიბაშვილმა თქვა – “მკაფიოდ ვაცხადებ, საქართველო არ აპირებს, მონაწილეობა მიიღოს სანქციებში”.
საქართველოში რამდენიმე ათეულმა მოხალისემ უკრაინაში წასვლის და ბრძოლის სურვილი გამოთქვა, თუმცა, მათ გაფრენის საშუალება არ მიეცათ.
28 თებერვალს საქართველოს მთავრობამ ქვეყანაში არ შემოუშვა ბორტი რომელსაც უკრაინაში მოხალისეები უნდა წაეყვანა.
უკრაინის პრემიერმინისტრმა, დენის შმიგალმა იმედი გამოთქვა, რომ ღარიბაშვილი უკრაინაში ქართველი მოხალისეებისთვის ფრენის ნებართვას გასცემს.
“მამაცი ქართველი ძმები უკრაინის დასახმარებლად თბილისის აეროპორტში ფრენას ელოდებიან, იმედია, ღარიბაშვილი გამბედაობას გამოიჩენს და ფრენის ნებართვას გასცემს. უკრაინა ამას ელოდება. ევროპა ამას ელოდება”. – დაწერა მან ტვიტერზე.
“თავისუფლებისმოყვარე ქართველო ხალხო, დაეხმარეთ თქვენს პრემიერს სწორი გადაწყვეტილების მიღებაში!” – დაამატა შმიგალმა.
1-ლ მარტს ქართული ოცნების თავმჯდომარემ, ირაკლი კობახიძემ თქვა, რომ ქართველი მოხალისეების უკრაინაში საბრძოლველად წასვლა ომში ჩართვას ნიშნავს და ნებართვა სწორედ ამიტომ არ გაიცა.
