ისლამისტებმა ქალაქ კობანიზე იერიში მიიტანეს

“ისლამური სახელმწიფოს” მეომრებმა ქალაქ კობანიში შეაღწიეს, რომელც თურქეთის საზღვართანაა განლაგებული.

დილის 5 საათზე, ისლამისტებმა, ერთ-ერთ საკონტროლო გამშვებ პუნქტთან, ავტომანქანა და მოტოციკლი ააფეთქეს, – გვაცნობებს ქურთული სააგენტო Firat-ი. ტერაქტის შედეგად 5 ადამიანი დაიღუპა.

სააგენტო ТАСС-ის მიერ გავრცელებული ინფორმაციით, ადგილზე 15 ადამიანი დაიღუპა, 70-მდე კი დაიჭრა.

The Guardian გვაცნობებს, რომ ტერაქტის შემდეგ, ტერორისტებმა ქალაქ კობანიზე იერიში სამი მხრიდან მიიტანეს.

“ისინი კობანიში შეიჭრნენ და ქურთული თავდაცვის რაზმებს ბრძოლა გაუმართეს”, – გადმოსცემს ბი-ბი-სი.

ამ დროისთვის, ბრძოლა გრძელდება, ქუჩებში გვამები ყრია.

სირიის სახელმწიფო ტელევიზია იუწყება, რომ ტერორისტებმა ქვეყანაში თურქეთიდან შეაღწიეს. სირიის ხელისუფლებამ, თურქეთი, ისლამისტების მხარდაჭერაში არაერთხელ დაადანაშაულა, მაგრამ ოფიციალური ანკარა ამ ბრალდებებს უარჰყოფს.

მსგავსი პოსტები

Back to top button