ინდოეთში მტრედი დააპატიმრეს

ინდოეთში სამართალდამცველებმა მტრედი დააპატიმრეს, რომელსაც ქვეყნის პრემიერ-მინისტრის, ნარენდა მოდის მისამართით დაწერილი მუქარის შემცველი ბარათი მიჰქონდა.

პოლიციის ინფორმაციით, ფრინველი პაკისტანის საზღვართან აღმოაჩინეს, – იუწყება Sky News.

მტრედი პენჯაბის შტატში დაიჭირეს, სადაც იანვარში ტერორისტები ინდოეთის სამხედრო ბაზას თავს დაესხნენ.

პოლიცია ამტკიცებს, რომ მტრედს მიმაგრებული ჰქონდა ბარათი, რომელშიც ეწერა:

“ჩვენ უკვე ის ადამიანები აღარ ვართ, 1971 წელს რომ ვიყავით. ახლა ინდოეთთან საომრად ნებისმიერი ბავშვი მზადაა”.

სვარაუდოდ, გზავნილის ავტორები ისლამური დაჯგუფება “ლაშკარ-ი-ტაიბას” წევრები არიან.

აღსანიშნავია, რომ ბოლო დღეებში ჯამუსა და ქაშმირის სადავო რეგიონების გამო ურთიერთობა ინდოეთსა და პაკისტანს შორის მკვეთრად გაუარესდა.

მსგავსი პოსტები

Back to top button