ევროკავშირი რუსეთთან „ენერგეტიკული ომის“ შესახებ საგანგებო სხდომას მოიწვევს

ევროკავშირი რუსეთთან “ენერგეტიკული ომის“ შესახებ საგანგებო სხდომას მოიწვევს, – ინფორმაციას ჩეხეთის პრემიერმინისტრი პეტრ ფიალა სოციალურ ქსელში ავრცელებს.

მისი თქმით, ევროკავშირის ენერგეტიკის მინისტრების შეკრება რაც შეიძლება სწრაფად მოხდება.

“ევროკავშირის თავმჯდომარე ქვეყნის მოთხოვნით გაიმართება ევროკავშირის ენერგეტიკის მინისტრების სხდომა, რათა განვიხილოთ სპეციფიკური საგანგებო ზომები ენერგოსექტორში შექმნილ სიტუაციასთან დაკავშირებით “, – წერს პეტრ ფიალა მიკრობლოგ „ტვიტერზე“.

ჩეხეთი ახლა ევროკავშირის თავმჯდომარე ქვეყანაა. ქვეყნის ვაჭრობის მინისტრმა იოზეფ სიკელამ განაცხადა, რომ ისინი ახლა რუსეთთან „ენერგეტიკულ ომში“ არიან.

„ჩვენ ენერგეტიკულ ომში ვართ რუსეთთან და ეს ზიანს აყენებს მთელ ევროკავშირს“, – განაცხადა იოზეფ სიკელამ.