რეგულაციები რომელიც სავაჭრო ცენტრებმა მუშაობის დროს უნდა დაიცვან
მთავრობის გადაწყვეტილებით, სავაჭრო მოლები მკაცრი რეგულაციების დაცვით გაიხსნება. რეგულაციების სიმკაცრე კი მაღაზიების მუშაობის დროს სხვადასხვა შეზღუდვებს ითვალისწინებს.
დრო დილის 7 საათიდან საღამოს 7 საათამდე განისაზღვრა, ასევე მომხმარებლების სავაჭრო სივრცეში დაშვება ნაკადების მკაცრი მართვით უნდა მოხდეს
მაღაზიების როგორც შიდა, ასევე გარე სივრცეში უნდა მოხდეს რიგების მკაცრი მართვა,
აუცილებელია დისტანციის და პირბადის ტარების წესის დაცვა;
ფასდაკლებების აქციები უნდა გამოცხადდეს ან დილის საათებში, ან ონლაინ გაყიდვების დროს;
ტანსაცმლის მაღაზიებში არ იმუშავებს გასახდელები, შესაბამისად, მაღაზიებმა უნდა დაუშვან პროდუქციის გადაცვლა ან დაბრუნება ერთი თვის განმავლობაში,
1-ლი თებერვლის შემდეგ; სავაჭრო ცენტრებში იკრძალება კვების ობიექტების ფუნქციონირება, მათ შორის, გატანის სერვისით;
შეგახსენებთ, დიდ ქალაქებში შეზღუდვები 28 ნოემბრიდან მოქმედებს. ამ დროიდან თბილისში, ბათუმში, ქუთაისში, რუსთავში, გორში, ფოთში, ზუგდიდსა და თელავში სავაჭრო ცენტრები მხოლოდ დისტანციურად მუშაობენ.