გენინსპექციას კახეთში სეტყვასთან დაკავშირებით მდგომარეობის შესწავლა დაევალა
“თავდაცვის მინისტრის გადაწყვეტილებით, სამინისტროს გენერალურ ინსპექციას კახეთის რეგიონში სეტყვის საწინააღმდეგო საშუალებების გამოყენებასთან დაკავშირებით არსებული მდგომარეობის მაქსიმალურად შემჭიდროებულ ვადებში შესწავლა დაევალა”, – ამის შესახებ უწყების მიერ გავრცელებულ განცხადებაშია ნათქვამი.
როგორც ცნობილია, კახეთის მოსახლეობის ნაწილი ხელისუფლებას უმოქმედობაში ადანაშაულებს და ამბობს რომ ”დელტამ” სეტყვის საწინააღმდეგო დანადგარები დროულად არ გამოიყენა. კახეთის რეგიონში სეტყვამ 10-მდე სოფელი დააზარალა.
