გენპროკურორის მოადგილის 4 ბინა

„პრესა.ჯი“ გენპროკურორ ირაკლი შოთაძის მოადგილის, გიორგი გაბიტაშვილის ქონებრივ დეკლარაციას აქვეყნებს.

გაბიტაშვილის მიერ შევსებული დეკლარაციის მიხედვით, მან, “ქართული ოცნების” ხელისუფლებაში მოსვლის შემდეგ, კერძოდ კი, 2013-2014 წლებში, ჯამში, 4 ბინა იყიდა.

2013 წელი, ბინა ვაჟა ფშაველას გამზირზე – 90 000 დოლარი.

2014 წელი, ბინა დოდაშვილის ქუჩაზე – 23 100 დოლარი.

2014 წელი, კიდევ ერთი ბინა დოდაშვილზე – 22 400 დოლარი.

2014 წელი, კიდევ ერთი ბინა დოდაშვილის ქუჩაზე – 28 600 დოლარი.

გიორგი გაბიტაშვილს 4 ბინის ყიდვა, მისივე შევსებული დეკლარაციის მიხედვით, 164 100 დოლარი დაუჯდა, რაც კურსის მიხედვით, 508 710 ლარია.