გერმანიის განათლების სამინისტრომ გერმანულ-ქართული სამეცნიერო თანამშრომლობა შეაჩერა
საქართველოში გერმანიის ელჩის პიტერ ფიშერის ცნობით, გერმანიის განათლებისა და მეცნიერების სამინისტრომ გერმანია-საქართველოს სამეცნიერო თანამშრომლობის განახლება გაყინა.
მისი თქმით, ეს მოიცავს სტუდენტების მობილობას, კვლევას და ევროკავშირი-საქართველოს პროგრამებს.
ელჩი მიზეზად “საქართველოს მიერ აკადემიური თავისუფლების შეზღუდვასა და ევროკავშირში გაწევრიანების პროცესის შეჩერებას” ასახელებს.
“გერმანიის განათლებისა და მეცნიერების სამინისტრომ გაყინა გერმანია-საქართველოს სამეცნიერო თანამშრომლობის განახლება, რაც მოიცავს სტუდენტების მობილობას, კვლევას და ევროკავშირი-საქართველოს პროგრამებს – საქართველოს მიერ აკადემიური თავისუფლების შეზღუდვისა და ევროკავშირში გაწევრიანების პროცესის შეჩერების გამო. ქართველები, რომლებმაც ისწავლეს გერმანიის უნივერსიტეტებში, ძირითადად გერმანული სტიპენდიების დახმარებით, აცნობიერებენ ამ დანაკარგს”, – წერს პიტერ ფიშერი X-ზე.
მისივე თქმით, ამჟამინდელ დაფინანსებებს, მათ შორის სასტიპენდიო პროგრამებს, ეს ჯერ არ შეხებია.
ელჩი აზუსტებს, რომ ეს შეზღუდვა ჯერჯერობით არ ეხება გერმანიის განათლებისა და მეცნიერების სამინისტროს მიმდინარე დაფინანსებას საქართველოსთვის, რაც დაახლოებით 1 მილიონ ევროს შეადგენს.
,,ამჟამინდელ დაფინანსებას, რომელიც თითქმის 1 მილიონ ევროს შეადგენს, ეს ჯერ არ შეხებია. ასევე, ეს ჯერ არ შეხებია ჩვენს გულუხვ სასტიპენდიო პროგრამებს, მაგალითად, DAAD_Germany-ის პროგრამებს, თუმცა, გერმანია სინანულით აკვირდება და განიხილავს საქართველოსთან ურთიერთობის ყველა ასპექტს“, – წერს პეტერ ფიშერი.
ის ამბობს, რომ ეს ჯერ არ ეხება გერმანიის “გულუხვ სასტიპენდიო პროგრამებს, მაგალითად, DAAD-ს” და აღნიშნავს, რომ “გერმანია აგრძელებს ვითარების მონიტორინგს და, სამწუხაროდ, განიხილავს საქართველოსთან ურთიერთობის ყველა ასპექტის გადახედვას”.
