გიგა ოთხოზორიას ოჯახს დევნილთა სამინისტრო სახლს შეუძენს
საქართველოს მთავრობის გადაწყვეტილებით, დევნილთა და განსახლების სამინისტრო ოთხოზორიების 8-სულიან ოჯახს, „სოფლად სახლის“ პროექტის ფარგლებში, სახლს შეუძენს.
ამის შესახებ დევნილთა და განსახლების მინისტრმა სოზარ სუბარმა და სამეგრელო-ზემო სვანეთის გუბერნატორმა ლევან შონიამ გიგა ოთხოზორიას ოჯახის წევრებს თავად აცნობეს.
აფხაზეთიდან დევნილი გიგა ოთხოზორია 2016 წლის 19 მაისს ხურჩაში, საოკუპაციო ხაზის გამშვებ პუნქტთან მოკლეს.
