გოგონა 12800 მეტრის სიმაღლეზე დაიბადა [Photo/Video]
![](https://heretifm.com/wp-content/uploads/2017/04/gogoan2.jpg)
ავიაკომპანია Turkish Airlines-ის კუთვნილი Boeing 737-ის ეკიპაჟმა მგაზვრი ქალი 12800 მეტრის სიმაღლეზე ამშობიარა. ახალშობილ გოგონას ხატიჯე დაარქვეს, – გვაცნობებს სააგენტო Haberler.
თვითმფრინავში, რომელიც კონაკრი-უაგადუგუ-სტამბულის რეისს ასრულებდა, მგზავრს მშობიარობა დაეწყო. მეანების ფუნქციის შესრულება სტიუარდესებს დაეკისრათ. ბურკინა-ფასოს დედაქალაქში ჩაფრენისთანავე დედა-შვილი საავადმყოფოში გადაიყვანეს. ორივე თავს კარგად გრძნობს.
რეისის მგზავრებმა Turkish Airlines-ის ეკიპაჟს ოპერატიულობისთვის, პროფესიონალიზმისა და გულისხმიერებისთვის მადლობა გადაუხადეს.
აღსანიშნავია, რომ მსოფლიოს მრავალი ავიაკომპანია ქალბატონებს, რომლებიც ფეხმძიმობის 36-ე კვირაზე იმყოფებიან, თვითმფრინავით მგზავრობის ნებას რთავენ, მაგრამ ერთი პირობით – ორსულებმა სამედიცინო ცნობა უნდა წარადგინონ, სადაც ჩვილის დაბადების სავარაუდო თარიღი იქნება მითითებული.
[print_gllr id=56330]