გურამ ბაღდოშვილის გოზინაყი – როგორ მოვამზადოთ ? [ვიდეო]
ყველაზე მარტივი და უგემრიელესი რეცეპტი
ახალი წლის დღეებში, განსაკუთრებით აქტუალურია გოზნაყის მომზადების წესი.
ჰერეთი გთავაზობთ ორ რეცეპტს.
პირველი რეცეპტი ტრადიციული გოზინაყისაა:
თეთრი, საღი ნიგოზი მოვხალოთ ცეცხლზე, ისე, რომ ფერფლი გავაცალოთ და დავთალოთ აუცილებლად ხელით.
თაფლი დავდგათ სქელძირიანი ტაფით ან ქვაბით ნელ ცეცხლზე და რომ აქაფდება, გადმოვდგათ 10 წუთით ცეცხლიდან, შემდეგ ისევ დავდგათ ცეცხლზე და ვხარშოთ, თან მუდმივად ვურიოთ ხის კოვზით. ასე წამოვადუღოთ 3-4-ჯერ.
შემდეგ ვუმატებთ დათლილ ნიგოზს, კარგად მოვურევთ და დაბალ ცეცხლზე ვშუშავთ რამდენიმე წუთი, სანამ ნიგოზი ოქროსფერს არ მიიღებს. შემდეგ გადმოვიღებთ დაფაზე, რომელსაც წინასწარ ცივი წყლით დავასველებთ.
შემდეგ ნიგვზის მასას სველი საბრტყელებლით გადავანაწილებთ მთელ დაფაზე.
შეგვიძლია მოუხალავი ნიგვზითაც გავაკეთოთ. მთავარია თაფლი იყოს სქელი, ახალი ტაფლი თხელია და მეტი დუღილი სჭირდება.
