გურჯაანში კრიმინალური ავტორიტეტი დააკავეს
გურჯაანის მუნიციპალიტეტის სოფელ ჩუმლყაში მცხოვრები კრიმინალური ავტორიტეტი , მალხაზ ბადუაშვილი დააკავეს. ინფორმაციას შინაგან საქმეთა სამინისტროში ადასტურებენ.
ბადუაშვილის დაკავება თბილისში მოხდა. გამოძიება მას სისხლის სამართლის კოდექსის 236- ე მუხლით გათვალისწინებული დანაშაულის ჩადენას ედავება, რაც იარაღის უკანონო შეძენა- შენახვა- ტარებას გულისხმობს.
დაკავებულს ბრალს სავარაუდოდ, დღეს წაუყენებენ.
მალხაზ ბადუაშვილი წარსულში მკვლელობისთვის არის ნასამართლევი.
კრიმინალური ავტორიტეტის სახელს რამდენიმე გახმაურებული საქმე , მათ შორის 2020 წლის თებერვალს გურჯაანის “ჯეო ჰოსპიტალსის “ საავადმყოფოში მომხდარი სროლის, რამდენიმე თვის წინ მისი ავტომობილის ავტომატით დაცხრილვისა და ბადუაშვილის კუთვნილი სამაცივრე მეურნეობა დაწვის ფაქტები.
სამივე შემთხვევას, ადგილობრივები შურისძიებას უკავშირებდნენ.
