მსხვერპლით დასრულებული კიდევ ერთი ავტოსაგზაო შემთხვევა- თელავი – ნაფარეულის გზაზე თავდაცვის სამინისტროს მეოთხე ბრიგადის თანამშრომელი ქვეითს დაეჯახა.
ძლიერი შეჯახების შედეგად მიღებული დაზიანებებით, სოფელ ნაფარეულში მცხოვრები, 45 წლამდე ასაკის კახა გურგენაშვილი ადგილზე გარდაიცვალა.
ექიმების განმარტებით, ტრავმები სიცოცხლისათვის შეუთავსებელი იყო და სტაციონარში მოთავსების შემთხვევაშიც, მისი გადარჩენა საეჭვო იქნებოდა.
გამოძიება მომხდარ ფაქტზე, სისხლის სამართლის კოდექსის 276- ე მუხლის მეექვსე ნაწილით დაიწყო, რაც მსხვერპლით დასრულებულ, ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
ბოლო ათი დღის განმავლობაში, ავტოსაგზაო შემთხვევის შედეგად, კახეთში უკვე მეექვსე ადამიანი გარდაიცვალა.
