ჰუსიტების წინააღმდეგ მიმართული საჰაერო დარტყმების გამო გაერო შეშფოთებულია
გაერო უკიდურესად შეშფოთებულია აშშ-ისა და დიდი ბრიტანეთის მიერ იემენში, ჰუთების სამხედრო დაჯგუფების წინააღმდეგ განხორციელებული საჰაერო დარტყმებით – ეს შეშფოთება უკავშირდება ესკალაციის საფრთხეს, რამაც, შესაძლოა, გავლენა მოახდინოს მთელ რეგიონსა და თავად იემენზეც– ამის შესახებ გაერო-ს სპიკერმა, სტეფან დუჟარიკმა განაცხადა.
„ჩვენ უკიდურესად შეშფოთებულები ვართ ესკალაციის რისკებით, რაც გავლენას მოახდენს უფრო ფართო რეგიონზე და თავად იემენზე. უშიშროების საბჭოს რეზოლუცია სრულად უნდა იყოს დაცული. წითელ ზღვაში საერთაშორისო გემების წინააღმდეგ თავდასხმები მიუღებელია, რადგან ეს საფრთხეს უქმნის გლობალურ უსაფრთხოებას, უარყოფით გავლენას ახდენს ეკონომიკურ და ჰუმანიტარულ სიტუაციაზე მსოფლიოში. უშიშროების საბჭო 2 722 რეზოლუციით ითხოვს, რომ „ჰუსიტებმა“ დაუყოვნებლივ შეწყვიტონ ყველა ასეთი თავდასხმა კომერციულ გემებზე. გენერალური მდივანი მოუწოდებს ყველა წევრ სახელმწიფოს, რომელიც იცავს თავიანთ გემებს თავდასხმებისგან, გააკეთოს ეს საერთაშორისო სამართლის შესაბამისად, როგორც რეზოლუციაშია გათვალისწინებული. გენერალური მდივანი ასევე მოუწოდებს ყველა ჩართულ მხარეს, რომ არ მოხდეს სიტუაციის ესკალაცია წითელ ზღვაში და უფრო ფართო რეგიონში მშვიდობისა და სტაბილურობის ინტერესებიდან გამომდინარე. გარდა ამისა, გენერალური მდივანი ხაზს უსვამს იმ ქმედებების თავიდან აცილების აუცილებლობას, რამაც, შეიძლება, იემენში კიდევ უფრო გააუარესოს ვითარება“, – განაცხადა დუჟარიკმა.
გაეროს უშიშროების საბჭო მოითხოვს, რომ ჰუთების დაჯგუფებამ დაუყოვნებლივ შეწყვიტოს ყველა ასეთი თავდასხმა კომერციულ გემებზე.
გენერალური მდივანი ასევე მოუწოდებს ყველა წევრ სახელმწიფოს, რომლებიც იცავენ თავიანთ გემებს თავდასხმებისგან, გააკეთონ ეს საერთაშორისო სამართლის შესაბამისად, როგორც რეზოლუციაშია გათვალისწინებული.
გენერალური მდივანი ასევე მოუწოდებს ყველა ჩართულ მხარეს, რომ არ მოხდეს სიტუაციის ესკალაცია წითელ ზღვაში და უფრო ფართო რეგიონში მშვიდობისა და სტაბილურობის ინტერესებიდან გამომდინარე.
აშშ-მა და ბრიტანეთმა იემენში „ჰუსიტების“ ობიექტებზე ერთობლივი დარტყმები გუშინ განახორციელეს ირანის მიერ მხარდაჭერილი ჰუთების ობიექტებზე – რაც მყისიერად დაგმო თეირანმა, მატულობს შეშფოთება ახლო აღმოსავლეთში კონფლიქტის გაფართოების თაობაზე, ღაზაში მიმდინარე ომის ფონზე.
აფეთქებები სანში, აეროპორტებთან ახლოს მდებარე სამხედრო ბაზებზე დაფიქსირდა, ასევე იემენის ქალაქ ტაიზში, იემენის წითელი ზღვის პორტში, ჰოდეიდაში და სამხედრო ობიექტებზე სანაპირო ჰაჯას პროვინციაში.
„ჰუსიტებმა“ განაცხადეს, რომ 73 საჰაერო თავდასხმის შედეგად ხუთი მებრძოლი დაიღუპა და პირობა დადეს, რომ შურს იძიებენ, გააგრძელებენ თავდასხმებს გემებზე, რაც, მათი თქმით, მიზნად ისახავს პალესტინელების მხარდაჭერას ისრაელის წინააღმდეგ.
