დაახლოებით 30 ქვეყანამ, დიპლომატიური არხებით, თხოვნით მიმართა იაპონიას, რათა მიაწოდოს მათ გრიპის საწინააღმდეგო წამალი Avigan, რომელიც იაპონიაში შეიქმნა და რომელიც შეიძლება გამოყენებული იქნას COVID-19 დასამარცხებლად – ამის შესახებ მინისტრთა კაბინეტის გენერალურმა მდივანმა, იოშიჰიდე სუგამ განაცხადა.
”ამ მომენტში, ჩვენ ვათანხმებთ საჭირო რაოდენობით (წამლის) მიწოდებას უფასოდ იმ ქვეყნებისთვის, რომლებსაც ყველაზე მეტად ჭირდებათ”, – განაცხადა იოშიჰიდე სუგამ პრესკონფერენციის დროს.
Avigan შეიქმნა იაპონური კორპორაციის Fujifilm Holdings Corp შვილობილ კომპანიაში. გავრცელდა ინფორმაცია, რომ გერმანიის მთავრობა წამლის ბითუმად დიდი რაოდენობის შეძენას გეგმავს.
