იეჰოვას მოწმეებმა სტრასბურგში საქმე მოიგეს
ადამიანის უფლებათა ევროპულმა სასამართლომ საქმეზე “ცარციძე და სხვები საქართველოს წინააღმდეგ” დაადგინა, რომ იეჰოვას 13 მოწმის მიმართ დაირღვა ადამიანის უფლებათა ევროპული კონვენციის ორი მუხლი, მათ შორის – რელიგიის თავისუფლების უფლება.
სტრასბურგის სასამართლოს გადაწყვეტილების თანახმად, სახელმწიფომ 10 მომჩივანს არამატერიალური ზიანისთვის 1 500 ევრო უნდა გადაუხადოს, 3 მომჩივანს მატერიალური ზიანისთვის – 500 ევრო, ყველა მომჩივანს ერთად ხარჯებისთვის – 10 000 ევრო.
იეჰოვას მოწმეების მტკიცებით, ისინი 2000-2001 წლებში დაშინების და აგრესიის მსხვერპლნი იყვნენ, მართლმადიდებლების, ხელისუფლების და პოლიციის მხრიდან. საუბარია ხუთ ინციდენტზე.
იეჰოვას მოწმეებმა საქმე “ბეღელური და სხვები საქართველოს წინააღმდეგ” 2014 წლის ოქტომბერშიც მოიგეს.