ირაკლი მუკბანიანი სასამართლომ პატიმრობაში დატოვა

ნამოხვანჰესის მოწინააღმდეგე აქტივისტი, ირაკლი მუკბანიანი პატიმრობაში რჩება. გადაწყვეტილება ქუთაისის საქალაქო სასამართლომ მიიღო.

გამოძიება მუკბანიანს 29 მაისს, აქციის დროს პოლიციელზე თავდასხმასა და ფიზიკურ შეურაცხყოფას ედავება.

დაკავებულს 4-დან 7 წლამდე ვადით თავისუფლების აღკვეთა ემუქრება. მის წინააღმდეგ გამოძიება სისხლის სამართლის კოდექსის 353-ე მუხლით მიმდინარეობს.