მნიშვნელოვანიმსოფლიოსიახლეები

ევროკომისიამ ბოსნია და ჰერცეგოვინისთვის კანდიდატის სტატუსის მიცემის რეკომენდაცია გასცა

ევროპის კომისიამ 12 ოქტომბერს გამოაქვეყნა რეკომენდაცია, რომ ბოსნია-ჰერცეგოვინას ევროპის კავშირის წევრობის კანდიდატის სტატუსი მიენიჭოს იმ პირობით, თუ ის გააძლიერებს დემოკრატიას და მიიღებს სხვა აუცილებელ ზომებს.

„ცვლილებების ქარი კიდევ ერთხელ უბერავს ევროპაში და ჩვენ უნდა მხარი ავუბათ ამ პროცესს“, – თქვა ევროპის კომისიის ხელმძღვანელმა ურზულა ფონ დერ ლაიენმა. „დასავლეთი ბალკანეთი ჩვენს ოჯახს განეკუთვნება და ეს ძალიან, ძალიან მკაფიოდ უნდა გამოვხატოთ.“

ევროკავშირის გაფართოების შესახებ თავის ყოველწლიურ ანგარიშში ევროკომისიამ განაცხადა, რომ ბოსნიამ უნდა გააძლიეროს დემოკრატია, სახელმწიფო ინსტიტუტების ფუნქციურობა, კანონის უზენაესობა, უნდა გაუმკლავდეს კორუფციასა და ორგანიზებულ დანაშაულს, უნდა უზრუნველყოს მედიის თავისუფლება და მიგრაციის მართვა.

ფონ დერ ლაიენის თქმით, ევროკავშირის ოპონენტები ბალკანეთს „გეოპოლიტიკურ საჭადრაკო დაფად“ აღიქვამენ. ისინი ცდილობენ, „განხეთქილება დათესონ რეგიონსა და დანარჩენ ევროპას შორის“.

ბოსნიის საგარეო საქმეთა მინისტრმა ბისერა ტურკოვიჩმა თქვა, რომ გადაწყვეტილება მისასალმებელი და ისტორიულია და რომ ის ხელს შეუწყობს რეფორმებს და სავალდებულო პირობების შესრულებას, სანამ დაიწყებოდეს ევროკავშირში გაწევრიანების თაობაზე მოლაპარაკებები.
„ევროკომისია რეკომენდაციას გასცემს ევროპულმა საბჭომ ბოსნია და ჰერცეგოვინას მიანიჭოს კანდიდატის სტატუსი იმ გაგებით, რომ რამდენიმე ნაბიჯი იქნება გადადგმული”, – განაცხადა ვარჰეიმ.
კერძოდ, ევროკავშირმა ბოსნია და ჰერცეგოვინას რვა პრიორიტეტი ჩამოუთვალა, რომელიც ქვეყანამ უნდა დააკმაყოფილოს, რათა გაწევრიანების შესახებ მოლაპარაკებები დაიწყოს. იგივე ფორმულით კანდიდატის სტატუსი უკრაინასა და მოლდოვას მიენიჭათ.

იმ ნაბიჯებს შორის, რომელთა შესრულებასაც ევროკავშირი ბოსნია და ჰერცეგოვინისგან ელის, არის: მოსამართლეთა და პროკურორთა უმაღლესი საბჭოს შესახებ მოქმედ კანონში პატიოსნების შესახებ პრიორიტეტული წესრიგით ცვლილებების დამტკიცება, სასამართლოების შესახებ ახალი კანონის მიღება, ინტერესთა კონფლიქტის პრევენციის შესახებ ახალი კანონის მიღება, კორუფციისა და ორგანიზებული დანაშაულის პრევენციისა და ბრძოლის გასაძლიერებლად გადამწყვეტი ზომების მიღება, საზღვრებისა და მიგრაციის პოტენციალის მართვისთვის ყველა დონეზე ეფექტიანი კოორდინაციის ხელშეწყობა, ასევე თავშესაფრის მიცემის სისტემის ფუნქციონირების უზრუნველყოფა.

“კანდიდატის სტატუსის მიცემა – ეს წინადადებაა ევროპისგან ბოსნია და ჰერცეგოვინას და მის ხალხს. ჩვენ ამას ბოსნია და ჰერცეგოვინის ხალხისთვის ვაკეთებთ. თუმცა ეს მაღალ მოლოდინებთანაც არის დაკავშირებული. ელიტებზეა დამოკიდებული ამის რეალობად ქცევა”, – აღნიშნა ვარჰეიმ.
ევროკავშირის მთავარმა წარმომადგენელმა საგარეო ურთიერთობების საკითხებში, ჟოზეპ ბორელმა, ბოსნიისთვის კანდიდატი ქვეყნის სტატუსის მინიჭებასთან დაკავშირებით თქვა, რომ უკრაინაში რუსეთის შეჭრამ ხაზი გაუსვა ევროკავშირის გაფართოების სერიოზულობას და მის გეოპოლიტიკურ მნიშვნელობას.

„ეს არის გრძელვადიანი ინვესტიცია მშვიდობაში, კეთილდღეობასა და სტაბილურობაში ჩვენი კონტინენტისთვის“, – თქვა ბორელმა.

ივნისში ევროპულმა საბჭომ უკრაინასა და მოლდოვას ევროკავშირის წევრობის კანდიდატის სტატუსი მიანიჭა, საქართველოს კი – ევროპული პერსპექტივა და განაცხადა, რომ მზადაა კანდიდატის სტატუსი მისცეს, როგორც კი დასახული პრიორიტეტები შესრულდება.

მსგავსი პოსტები

Back to top button