ირანის რევოლუციურმა გვარდიამ განაცხადა, რომ თავს დაესხა “ჯაშუშურ ცენტრებს” ერაყში
ირანმა გამოაცხადა, რომ ბალისტიკური რაკეტებით იერიშები მიიტანა ისრაელის „ჯაშუშებზე“ და ანტიირანელ „ტერორისტებზე“ ერაყსა და სირიაში.
ირანის სახელმწიფო მედიით 15 იანვარს, ღამით გავრცელებული ცნობებით, გვარდიამ, „ისლამური რევოლუციის გუშაგთა კორპუსმა“, სარაკეტო დარტყმები განახორციელა ისრაელის დაზვერვის სამსახურის, „მოსადის ჯაშუშების შტაბ-ბინაზე“ ერაყის ქურთისტანის ავტონომიაში. რევოლუციური გვარდია აცხადებს, რომ ეს „შტაბ-ბინა” ირანსა და რეგიონში „ჯაშუშური ოპერაციების და ტერაქტების დაგეგმვის” ცენტრი იყო.
სააგენტო Reuters-ის ინფორმაციით, აფეთქებები მოხდა ქურთისტანის ადმინისტრაციული ცენტრიდან, ქალაქ ერბილიდან 40 კილომეტრში მდებარე რაიონში, სადაც აშშ-ის საკონსულოც მდებარეობს. ამერიკული წყაროების თანახმად, საკონსულო არ დაზიანებულა.
ქურთისტანის ავტონომიის ხელისუფლების მონაცემებით, მოკლულია 4 და დაჭრილია 6 ადგილობრივი მცხოვრები. Reuters-ის წყაროთა ცნობით, დაღუპულთა შორის არიან ქურთი ბიზნესმენი, მილიონერი ფეშრავ დიზაი და მისი ოჯახის წევრები. რაკეტები მოხვდა სპეცსამსახურების ცენტრს და დაზვერვის ერთ-ერთი მაღალჩინოსნის სახლსაც. ABC News-ის ინფორმაციით, მუშაობა შეაჩერა ერბილის აეროპორტმა, სადაც დასავლეთის კოალიციური ძალების სამხედროებმა სამი დრონი ჩამოაგდეს.
რაც შეეხება სირიას, ირანი აცხადებს, რომ იდლიბის პროვინციაში იერიში მიიტანა ტერორისტული დაჯგუფების, „ისლამური სახელმწიფოს“ ობიექტებზე. სწორედ ამ ორგანიზაციამ აიღო პასუხისმგებლობა იანვრის დასაწყისში ირანში მომხდარ ორ აფეთქებაზე, რომელთა შედეგად 80-ზე მეტი ადამიანი დაიღუპა.
ირანის სარაკეტო შეტევა ერაყის და სირიის ტერიტორიებზე კიდევ უფრო ზრდის შეშფოთებას ახლო აღმოსავლეთში კონფლიქტის ესკალაციის თაობაზე. როგორც სააგენტო dpa წერს, დარტყმები ირანის სიგნალია ისრაელისთვის, რომ აქვს მის ტერიტორიაზე შეტევის ტექნიკური შესაძლებლობა.
ირანი მიიჩნევა პალესტინელთა რადიკალური ისლამისტური მოძრაობა ჰამასის მთავარ მფარველად. ისრაელის, აშშ-ის და ევროკავშირის მიერ ტერორისტულ ორგანიზაციად გამოცხადებული ჰამასი 2023 წლის ოქტომბერში თავს დაესხა ისრაელს, რომელმაც პასუხად ომი გამოუცხადა.
ირანის მოკავშირეა ლიბანში მოქმედი რადიკალური დაჯგუფება ჰეზბოლაც, რომელიც პერიოდულად თავს ესხმის ისრაელის ტერიტორიას. ირანი მხარს უჭერს იემენში მოქმედ მეამბოხე ჰუთებსაც, რომლებიც ისრაელსა და ჰამასს შორის ომის დაწყების შემდეგ, წითელ ზღვაში თავს ესხმიან გემებს.
ერაყის ქურთისტანის ავტონომიის უშიშროების საბჭომ ირანი დაადანაშაულა უსაფუძვლო საბაბით თავდასხმაში ისტორიულად სტაბილურ რეგიონზე, რომელსაც არასდროს არავისთვის საფრთხე არ შეუქმნია. ისრაელი ირანის სარაკეტო შეტევას ჯერჯერობით არ გამოხმაურებია. აშშ-ის ოფიციალურმა წარმომადგენელმა CNN-ს განუცხადა, რომ ირანმა უგუნური აქტი ჩაიდინა.
გაერო გმობს ირანის მიერ განხორციელებულ სარაკეტო თავდასხმას ერაყის ჩრდილოეთში, ნახევრადავტონომიური ქურთისტანის დედაქალაქ ერბილზე.
„ჩვენ მკაცრად ვგმობთ გასული ღამით ერაყის ქურთისტანის რეგიონში, ერბილის ლოკაციებზე ირანის თავდასხმას, რასაც მშვიდობიან მოქალაქეებში მსხვერპლი მოჰყვა. ნებისმიერი მხარის მიერ თავდასხმები და ერაყის სუვერენიტეტისა და ტერიტორიული მთლიანობის დარღვევა უნდა შეწყდეს“, – ნათქვამია გაერო-ს ერაყის დახმარების მისიის განცხადებაში, სადაც აღნიშნულია, რომ უსაფრთხოებასთან დაკავშირებული საკითხები „დიალოგის გზით“ უნდა მოგვარდეს.
ერბილში, აშშ-ის საკონსულოსთან რამდენიმე აფეთქება მოხდა. დაღუპულია, სულ მცირე, ოთხი ადამიანი, ხოლო ექვსი დაშავდა. აღნიშნული ინციდენტი მას შემდეგ მოხდა, რაც ერბილი ირანის რევოლუციის გუშაგთა კორპუსმა ბალისტიკური რაკეტებით დაბომბა.
ამერიკის შეერთებულმა შტატებმა მკაცრად დაგმო ირანის შეტევა ერაყის ქურთისტანზე და დაღუპულთა ოჯახებს სამძიმარი გამოუცხადა. სახელმწიფო დეპარტამენტის განცხადებით, აშშ ეწინააღმდეგება ირანის უგუნურ სარაკეტო დარტყმებს, რომლებიც ხელყოფს ერაყის სტაბილურობას. აშშ მხარს უჭერს ერაყის და ქურთისტანის რეგიონული მთავრობების ძალისხმევას, რომელიც მიმართულია ერაყის ხალხის მისწრაფებების დაკმაყოფილებისკენ.
ირანის სახელმწიფო მედიით 15 იანვარს, ღამით გავრცელებული ცნობებით, გვარდიამ, „ისლამური რევოლუციის გუშაგთა კორპუსმა“, სარაკეტო დარტყმები განახორციელა ისრაელის დაზვერვის სამსახურის, „მოსადის ჯაშუშების შტაბ-ბინაზე“ ერაყის ქურთისტანის ავტონომიაში. რევოლუციური გვარდია აცხადებს, რომ ეს „შტაბ-ბინა” ირანსა და რეგიონში „ჯაშუშური ოპერაციების და ტერაქტების დაგეგმვის” ცენტრი იყო.
სააგენტო Reuters-ის ინფორმაციით, აფეთქებები მოხდა ქურთისტანის ადმინისტრაციული ცენტრიდან, ქალაქ ერბილიდან 40 კილომეტრში მდებარე რაიონში, სადაც აშშ-ის საკონსულოც მდებარეობს. ამერიკული წყაროების თანახმად, საკონსულო არ დაზიანებულა.
ქურთისტანის ავტონომიის ხელისუფლების მონაცემებით, მოკლულია 4 და დაჭრილია 6 ადგილობრივი მცხოვრები. Reuters-ის წყაროთა ცნობით, დაღუპულთა შორის არიან ქურთი ბიზნესმენი, მილიონერი ფეშრავ დიზაი და მისი ოჯახის წევრები. რაკეტები მოხვდა სპეცსამსახურების ცენტრს და დაზვერვის ერთ-ერთი მაღალჩინოსნის სახლსაც. ABC News-ის ინფორმაციით, მუშაობა შეაჩერა ერბილის აეროპორტმა, სადაც დასავლეთის კოალიციური ძალების სამხედროებმა სამი დრონი ჩამოაგდეს. ერაყის ქურთისტანის ავტონომიის უშიშროების საბჭომ ირანი დაადანაშაულა უსაფუძვლო საბაბით თავდასხმაში ისტორიულად სტაბილურ რეგიონზე, რომელსაც არასდროს არავისთვის საფრთხე არ შეუქმნია.
ირანი მიიჩნევა პალესტინელთა რადიკალური ისლამისტური მოძრაობა ჰამასის მთავარ მფარველად. ისრაელის, აშშ-ის და ევროკავშირის მიერ ტერორისტულ ორგანიზაციად გამოცხადებული ჰამასი 2023 წლის ოქტომბერში თავს დაესხა ისრაელს, რომელმაც პასუხად ომი გამოუცხადა.
ირანის მოკავშირეა ლიბანში მოქმედი რადიკალური დაჯგუფება ჰეზბოლაც, რომელიც პერიოდულად თავს ესხმის ისრაელის ტერიტორიას. ირანი მხარს უჭერს იემენში მოქმედ მეამბოხე ჰუთებსაც, რომლებიც ისრაელსა და ჰამასს შორის ომის დაწყების შემდეგ, წითელ ზღვაში თავს ესხმიან გემებს.
