სოფელ ბერშუეთიდან მამა-შვილი გაიტაცეს
მორიგი გატაცება ქართული მხარის მიერ კონტროლირებადი ტერიტორიიდან- დღეს დილით ე.წ. რუსმა მესაზღვრეებმა გორის რაიონის სოფელ ბერშუეთში ორი პირი დააკავეს. დაკავებულია მამა-შვილი როინ და გიორგი ზაუტაშვილები.
გორის მუნიციპალიტეტის გამგებლის წარმომადგენლის ინფორმაციით, ზაუტაშვილები ე.წ. მესაზღვრეებმა იმ დროს აიყვანეს, როდესაც საქონელს მწყემსავდნენ.
დავით ცერცვაძის განმარტებით, როინ და გიორგი ზაუტაშვილებს ეგრედ წოდებული საზღვარი არ გადაუკვეთავთ და მათი დაკავება საქართველოს ცენტრალური ხელისუფლების მიერ კონტროლირებად ტერიტორიაზე მოხდა.
ზაუტაშვილები, სავარაუდოდ, ცხინვალის იზოლატორში ჰყავთ გადაყვანილი. ისინი ამ დრომდე რჩებიან ცხინვალს იზოლატორში
2 დღის წინ ე.წ. მესაზღვრეების მიერ დაკავებული არიან სოფელ აძვის მკვიდრი, 62 წლის ვახტანგ მჭედლიშვილი და სოფელ ფლავისმანში მცხოვრები გიორგი სოხატერი.
