კახეთის კოვიდ-კლინიკებში საწოლები სრულად შევსებულია
რეგიონში კორონავირუსის ყოველდღიურად აღრიცხულმა შემთხვევებმა, საწოლფონდის გადატვირთვა გამოიწვია.
დაავადებათა კონტროლის ცენტრის მონაცემებით, კახეთი იმ რეგიონებს შორისაა, სადაც კოვიდ- მიმღებ კლინიკებში, ყველა საწოლი დაკავებულია.
თელავის ცენტრალურ საავადმყოფოში ადასტურებენ, რომ სტაციონარში სამკურნალოდ გადაყვანილი პაციენტების რაოდენობა გაზრდილია.
” ტესტირებაზე მომართვიანობაც გაიზარდა და დადასტურებული შემთხვევებიც. ამის პარალელურად, ბუნებრივია, უფრო მეტია იმ ადამიანების რიცხვი, ვისაც სტაციონარში მკურნალობა სჭირდება. თუ გავითვალისწინებთ, ვაქცინაციის პროცენტულ მაჩვენებელს,განგიმარტავთ, რომ საავადმყოფოში უმრავლესობა აუცრელი ხვდება”- განუცხადეს რადიო ჰერეთს საავადმყოფოში.
დღეს რეგიონში კორონავირუსის კიდევ ერთი რეკორდული მაჩვენებელი 1253 შემთხვევა გამოვლინდა, რაც წინა დღეების მაჩვენებელთან შედარებით, 100 ერთეულით მეტია.
კვირაზე მეტია, კახეთში შემთხვევების ყოველდღიური რაოდენობა ათასს ასცდა.