კახეთში დედის მკვლელობის ბრალდებით შვილი დააკავეს

გამოძიება ამბობს, რომ თელავის მუნიციპალიტეტის სოფელ კონდოლში 91 წლის დედას შვილმა ნაჯახით სასიკვდილო ჭრილობა მიაყენა.

როგორც შსს-ში განაცხადეს, შვილი დედის მკვლელობის ბრალდებით უკვე დააკავეს. გამოძიება მე-11 პრიმა და 108-ე მუხლებით მიმდინარეობს, რაც ოჯახში ძალადობის ნიადაგზე განზრახ მკვლელობის მცდელობას გულისხმობს.

ადგილობრივების თქმით, გარდაცვლილს თავში ნაჯახი აქვს ჩარტყმული.