მნიშვნელოვანირეგიონისიახლეები

კახეთში დიალეზზე მყოფ პირებს კოვიდვაქცინას თელავში გაუკეთებენ

კახეთში დიალეზზე მყოფ პირებს, კორონა ვირუსის საწინააღმდეგო ვაქცინას მხოლოდ თელავის რეფერალურ ჰოსპიტალში გაუკეთებენ. ჰოსპიტალის მენეჯერის, ხათუნა ჭონიაშვილის განმარტებით, ასეთი პირების ვაქცინაციისათვის დაწესებულებაში ყველაფერი მომზადებულია.

“დიალეზს ჩვენთან 60- მდე ადამიანი იკეთებს. მათი ვაქცინაციისათვის ყველაფერი მომზადებული გვაქვს. ჯერჯერობით, დაზუსტებული მონაცემი არ მაქვს, რამდენმა გამოთქვა სურვილი. ამ ადამიანებს ყურადღება სჭირდებათ და ამისთვის ყველა პირობა გვაქვს”- განაცხადა ჭონიაშვილმა.

დიალეზზე მყოფი პირების ნაწილს ვაქცინის გაკეთების გადაწყვეტილება ჯერ არ მიუღია. ერთ- ერთი ასეთი პაციენტი რადიო ჰერეთთან ამბობს, რომ ექიმებთან კონსულტაციასაც გაივლის.

” ჯერ გადაწყვეტილება არ მიმიღია. დღეს, საღამოს მიწევს დიალეზის პროცედურა. ექიმებთანაც გავივლი კონსულტაციას. თავის დაცვას მაქსიმალურად ვცდილობ, მაგრამ ბუნებრივია, რისკის ჯგუფში ვარ”- განაცხადა დიალეზზე მყოფმა პირმა.

კახეთის რეგიონში, კორონა ვირუსის საწინააღმდეგო ვაქცინაცია მხოლოდ სამ სამედიცინო დაწესებულებაშია შესაძლებელი.

დღეიდან, ვაქცინაციაში ჩართვა, 55 წლის ასაკს გადაცილებულ, დიალეზზე მყოფ და ორგანოგადანერგილ პაციენტებსაც შეუძლიათ.

მსგავსი პოსტები

Back to top button