კახეთში ქალის მოტაცების ფაქტზე , პოლიციამ 5 პირი დააკავა

კახეთის ერთ- ერთი მუნიციპალიტეტის სოფლიდან ახალგაზრდა ქალის მოტაცებისათვის, კახეთის პოლიციამ 5 მამაკაცი დააკავა.
გამოძიება მომხდარზე საქართველოს სისხლის სამართლის კოდექსის 143-ე და 137-ე მუხლებით მიმდინარეობს.
გამოძიება ერთ-ერთ მათგანს, 26 წლის კაცს, გაუპატიურებას ედავება, დანარჩენ ოთხს თავისუფლების ჯგუფურად, უკანონო აღკვეთას.

“გამოძიებით დადგინდა, რომ ა.მ.-მ, ცოლად შერთვის მიზნით, 2000 წელს დაბადებულ გ.გ.-ს თავისუფლება უკანონოდ აღუკვეთა და მასზე სექსუალურად იძალადა. თავისუფლების უკანონო აღკვეთაში, ასევე, მონაწილეობდნენ ამჟამად ბრალდებულის სახით დაკავებულები: ი.ფ., ჯ.ი., ს.ა. და მ.ბ”. პოლიციამ, გატაცებული ქალი კახეთის ერთ-ერთ სოფელში იპოვა.

“მომხდარზე გამოძიება საქართველოს სისხლის სამართლის კოდექსის 143-ე (თავისუფლების უკანონო აღკვეთა)და 137-ე (გაუპატიურება) მუხლებით მიმდინარეობს” – ნათქვამია შინაგან საქმეთა სამინისტროს განცხადებაში.
დანაშაულები 10 წლამდე ვადით თავისუფლების აღკვეთას ითვალისწინებს.

გატაცების ფაქტი 28 ივლისს მოხდა.
ბრალდებულებმა ქალი ძალის გამოყენებით ჩასვეს ავტომობილში და დაუდგენელი მიმართულებით წაიყვანეს.