მიცვალებულები ჯერ ვერ გამოიყვანეს, მოლაპარაკებები მიდის
მიცვალებულები ჯერ ვერ გამოიყვანეს, მოლაპარაკებები მიდის… ბიჭებმა ძალით შევალთო, ისიც არ მინდა სხვებიც დაიღუპონ,-ამბობს გუშინ ბახმუტთან დაღუპული ერთ-ერთი მებრძოლის რომეო ფიჩხაიას და.
“ქართული ხასიათით დაიღუპნენ! უმძიმესი შეტაკება იყო ბახმუტში! ბრძანება მიიღეს არ წახვიდეთ წინო! 5 გმირ ქართველს კი სისხლი აუდუღდა! არ დაემორჩილნენ ბრძანებას და წინ წავიდნენ! 10 საათი იბრძოდნენ, გაანადგურეს ათობით ორკი და გაწირეს საკუთარი სიცოცხლე! წარმოუდგენელი გმირობა აჩვენეს ბიჭებმა!
ჩემი, თქვენი, ჩვენი შვილების ნათელი მომავლისთვის გაწირეს თავი!
დიდება და მარადიული ხსოვნა ჩვენს გმირებს!”,-წერს ფიჩხაიას ახლობელი სოციალურ ქსელში.
“თუ სადმე საქართველოს ერთიანობის დაცვისთვის ტყვია გასროლილა, ყველგან წინა ხაზზე იდგა!
ასე იყო ახლაც, ერთ-ერთი პირველი იყო ვინც იარაღი აიღო და საომრად წავიდა! აფხაზეთში ერთად უნდა დავბრუნდეთო! ამ იდეით ცხოვრობდა!
გუშინ ველაპარაკე ბოლოს და ბოლომდე ვიდგებით და არ დავთმობთო ასე მითხრა!
ჩემი ძმაკაცი, რომეო ფიჩხაია აღარ გვყავს! ვერ მოუთმინა გულმა და საკუთარი სიცოცხლე შესსწირა რუსებთან ბრძოლას!,-ასე იგონებს ფიჩხაიას მისი მეგობარი.
უკრაინაში დაღუპული ხუთი ქართველი მეომრიდან ოთხი აფხაზეთიდან დევნილია, მათ შორის რომეო ფიჩხაია ჩხოროწყუში, დევნილთა ჩასახლებაში ცხოვრობდა, როლანდ კვარაცხელია კი ფოთის დევნილთა დასახლებაში.
დაღუპულებს შორის აფხაზეთელი ბადრი მარკელია და ავთო რურუაცაა.
მეხუთე გარდაცვლილი მერაბ ალადაშვილია.
