კახეთში რთველი უკვე დაიწყო-ვენახი უკვე 1400-მდე მევენახემ დაკრიფა

“კახეთში უკვე 24 ათასი ტონა ყურძენია გადამუშავებული და კრეფა ორ მუნიციპალიტეტში მიმდინარეობს”- ამის შესახებ, რთველის საკოორდინაციო საბჭოს ხელმძღვანელმა, ჟურნალისტებთან შეხვედრაზე განაცხადა.

ღვინის ეროვნული სააგენტოს დირექტორი, ლევან მეხუზლა ამბობს, რომ რქაწითელისა და საფერავის ჯიშის ყურძნების კრეფა, სიღნაღისა და დედოფლისწყაროს მუნიციპალიტეტებშია დაწყებული.

” ტრადიციულად ეს ორი მუნიციპალიტეტი იწყებს რთველს. შემდეგ გადაინაცვლებს, გურჯაანში, ყვარელში, თელავი – ახმეტასა და ბოლოს საგარეჯოში. უკვე 24 ათასი ტონა ყურძენი გადამუშავდა. დაახლოებით, 300 ათას ტონა მოსავალს ველოდებით. წვიმამ ცოტა ტემპი შეანელა, მაგრამ უკვე ამინდები კარგია და კრეფა გაგრძელდება”- განაცხადა მეხუზლამ.

დღევანდელი მდგომარეობით, ვენახი უკვე 1400-მდე მევენახემ დაკრიფა.

რთველის შტაბში 200- ზე მეტი ღვინის კომპანია და მარანია დარეგისტრირებული

მთავრობის გადაწყვეტილებით, ერთი კილოგრამი რქაწითელის ჯიშის ყურძენი, 35 თეთრით დასუბსიდირდება.