კახეთში ტურიზმის სფეროს წარმომადგენლების აცრა დაიწყო
კახეთში, ტურიზმის სფეროს წარმომადგენლების აცრა დაიწყო. იმუნიზაციის პროცესი, კორონა ვირუსის საწინააღმდეგო, ჩინური წარმოების ვაქცინით ” სინოვაკით” მიმდინარეობს.
თელავის რეფერალურ საავადმყოფოში, რიგითი მოქალაქეების გარდა, უკვე ტურიზმის სფეროს 50 წარმომადგენელი აიცრა. ტურიზმში დასაქმებული ადამიანები, საკუთარი ობიექტების სრული დატვირთვით გასახსნელად ვაქცინაციას, ერთადერთ შესაძლებლობად მიიჩნევენ.
თელავის რეფერალური ჰოსპიტალის დირექტორის, ხათუნა ჭონიაშვილის განმარტებით, ვაქცინაციის პროცესი ბოლო დღეებში განსაკუთრებულად გააქტიურებულია.
კახეთის რეგიონის მასშტაბით , სხვადასხვა ვაქცინით კორონავირუსის საწინააღმდეგო აცრა, უკვე 6 ათასამდე მოქალაქემ გაიკეთა.
ასობრივი იმუნიზაცია საქართველოში, ივლისის ბოლოდან დაიწყება, როცა ქვეყანაში, სხვადასხვა სახეობის ვაქცინის სამ მილიონამდე დოზის ეტაპობრივი შემოტანა დაიწყება.
