კალიფორნიის შტატში თავდასხმას ორი ადამიანი ემსხვერპლა

აშშ-ში, კალიფორნიის შტატში თავდასხმა მოხდა, რომელსაც ორი ადამიანის სიცოცხლე ემსხვერპლა, ოთხი კი დაშავდა.

სამართალდამცველებმა ორი ეჭვმიტანილი დააკავა, შემთხვევის ადგილზე ამოღებულია რამდენიმე ერთეული ცეცხლსასროლი იარაღი.

თავდასხმის მოტივი, ჯერჯერობით, უცნობია. პოლიციელები ორ ჯგუფს შორის დაპირისპირების ვერსიას განიხილავენ. გამოძიება ამ დრომდე მიმდინარეობს.