მომხდარ ტრაგედიას მსოფლიოს პოლიტიკოსები ეხმაურებიან

თბილისში სტიქიის შედეგად მომხდარ ტრაგედიას მსოფლიოს სხვადასხვა ქვეყნების პოლიტიკოსები ეხმაურებიან. 

ამერიკელი სენატორი კრის მერფი თბილისში მომხდარ ტრაგედიას საკუთარ Tweeter-ზე გამოეხმაურა: „იმ დროს როდესაც ქართველი ხალხი სტიქიის შედეგებთან განმკლავებას ცდილობს, ჩემი ფიქრები და ლოცვები მათთან ერთად არის.“- წერს სენატორი.

საკუთარ Facebook გვერდზე, თომას ჰენდრიკ ილვესი, ესტონეთის პრეზიდენტიც ეხმაურება. ილვესი ღრმა მწუხარებას გამოთქვამს თბილისში მომხდარი ტრაგედიის შესახებ და სტიქიის შედეგად გარდაცვლილთა ოჯახებს უსამძიმრებს. როგორც ესტონეთის პრეზიდენტი აღნიშნავს, მას კომუნიკაცია ჰქონდა ქართველო კოლეგასთან.

„გუშინ ჩემს მეგობარს და კოლეგას, საქართველოს პრეზიდენტს გიორგი მარგველაშვილს გავუგზავნე ელექტრონული წერილი. შეძრული ვარ თბილისში მომხდარი წყალდიდობის შესახებ ინფორმაციით, რომელმაც ადამიანების სიცოცხლე შეიწირა. ამ მძიმე წუთებში ესტონელთა ფიქრი ქართველი ხალხისკენ არის მიმართული და ვთავაზობთ მათ დახმარებას, საჭიროების შემთხვევაში.“- წერს  ესტონეთის პრეზიდენტი.

სლოვენიის რესპუბლიკის საგარეო საქმეთა მინისტრი კარლ ერიავეცი თბილისში დატრიალებული სტიქიური უბედურების გამო ქართველ კოლეგას სამძიმრის წერილს უგზავნის.

ძალიან დამამწუხრა საქართველოს დედაქალაქში, თბილისში დატრიალებულმა ტრაგედიამ, სტიქიურმა მოვლენება, რომელმაც მშვიდობიანი მოქალაქეების სიცოცხლე იმსხვერპლა და დედაქალაქს საგრძნობი მატერიალური ზარალი მიაყენა. გამოვხატავ ღრმა მწუხარებას სლოვენიის საგარეო საქმეთა სამინისტროს სახელით. ვუზიარებ ჩვენს თანაგრძნობას გარდაცვლილთა ოჯახის წევრებსა და ახლობლებს.“ – ნათქვამია კარლ ერიავეცის წერილში.

ევროპის საბჭოს გენერალური მდივანი ორგანიზაციის ყველა წევრის სახელით საქართველოს მოსახლეობას სოლიდარობას უცხადებს. ტორბიორნ იაგლანდი მწუხარებას გამოთქვამს თბილისში მომხდარი სტიქიის გამო რომელსაც მოქალაქეების სიცოცხლეე მსხვერპლა.

გლოვის დღეს მინდა ქართველო ხალხს უდიდესი თანაგრძნობა გამოვუცხადო თბილისში დატრიალებული ტრაგედიის გამო. გულწრფელად ვუსამძიმრებ გარდაცვლილთა ოჯახებს და დროულ გამოჯანმრთელებას ვუსურვებ დაშავებულებს. საქართველოს ხელისუფლება ძალებს არ იშურებს იმისათვის,რომ ამ საზარელი სტიქიით დაზარალებულებს დახმარება გაუწიოს, მე მსურს სოლიდარობის გზავნილი გამოვუგზავნო ქართველ ხალხს და საქართველოს მთავრობას ევროპის საბჭოს ყოველი წევრისაგან. ამ ურთულეს დროს ჩვენი ფიქრები თქვენთან არის.’’- წერს იაგლანდი. 

მომხდარ ტრაგედიაზე მწუხარებას გამოთქვამენ ამერიკის შეერთებული შტატების, საფრანგეთის, გერმანიის,პოლონეთის და შვედეთის ხელისუფლების წარმომადგენლებიც.

მსგავსი პოსტები

Back to top button