„კავკასიური ყველი 2015“ თბილისში ყველის სურნელს დაატრიალებს
![](https://heretifm.com/wp-content/uploads/2015/10/kveli2015.jpg)
10 და 11 ოქტომბერს, თბილისში, რიყეზე პირველი საერთაშორისო ფესტივალი კავკასიის მასშტაბით ყველისა და რძის პროდუქტების დარგში გაიმართება, რომელის სრულიად ახალი კონცეფციაა როგორც თემატიკით, ისე გეოგრაფიით – აცხადებენ ფესტივალის ორგანიზატორები. ფესტივალის ორგანიზატორია – საქართველოს ყველის მწარმოებელთა გილდია.
ფესტივალში მონაწილეობენ საქართველოს ყველა რეგიონის წარმომადგენლები (მათ შორის რიყეზე გამოიფინება ოსური და აფხაზური ყველი; ყველის ინდივიდუალური მწარმოებლების და მსხვილი საწარმოების პროდუქცია, „ მონასტრის ყველი“;
ფესტივალში მონაწილეობენ ყველის მწარმოებლები სომხეთიდან, აზერბაიჯანიდან და ჩრდილოეთ კავკასიიდან.სტუმრის რანგში – თურქული და ებრაული დელეგაციები.
როგორც “ყველის მწარმოებელთა გილდიაში”აცხადებენ, აღნიშნული ფესტივალით საქართველო შეძლებს, აღიდგინოს კავკასიაში კულტურულ-სამეურნეო და სავაჭრო-სამრეწველო ცენტრის სტატუსი.
კავკასიურ ყველს კი ეძლევა შანსი – დაიმკვიდროს კუთვნილი ნიშა ყველის მსოფლიო ბაზრებზე.
ფესტივალი გაიხსნება 10 ოქტომბერს:
10 ოქტომბერი, შაბათი.საფესტივალო სივრცე მონაწილეებისთვის ( მეწარმე-მოვაჭრეები, კომპანიები) იხსნება – 10:00.საფესტივალო სივრცე სტუმრებისთვის იხსნება 12:00, ფესტივალის სადეგუსტაციო-სავაჭრო სივრცისა და კონფერენციის ოფიციალური გახსნა – 13:00 საკონკურსო პერიოდი – 14:00 -15:00,ფესტივალის გამარჯვებულების გამოვლენა და დაჯილდოვება – 17:00
11 ოქტომბერი. კვირა 11:00-17:00-დე იმუშავებს სადეგუსტაციო-სავაჭრო სივრცე.
13:00 – 15:00 – შეჯიბრი კულინარიულ სასწავლებლებს შორის. გამარჯვებულს გამოავლენენ ვიზიტორები.
ფესტივალი დაიხურება გამარჯვებულთა დაჯილდოებით.
ფესტივალის მედია პარტნიორები გახლავთ, კახეთში მაუწყებელი რადიო ჰერეთი FM 102.8 და თბილისში მაუწყებელი რადიო თბილისი FM 93.5
მოუსმინეთ: