ბოლო 24 საათში ნაკლები ტესტის ჩატარების შედეგად 1 337 კოვიდ დადებითია
ბოლო 24 საათში საქართველოში სხვა დღეებთან შედარებით, ნაკლები ტესტი ჩატარდა, რის შედეგადაც, კორონავირუსით ინფიცირების 1 337 ახალი შემთხვევა დადასტურდა.
მთავრობის ადმინისტრაციიდან ბერდია სიჭინავამ განაცხადა, რომ ბოლო 24 საათში ქვეყნის მასშტაბით ჩატარდა 6 554 კვლევა ტესტით, შედეგად, გამოვლინდა ვირუსით ინფიცირების 1 337 ახალი დადასტურებული შემთხვევა, გამოჯანმრთელდა 3 498 პირი
მან კორონავირუსთან დაკავშირებით, 14 დეკემბრის მდგომარეობით არსებულ უახლეს სტატისტიკურ მონაცემებსა და მთავრობის მიერ გატარებული ღონისძიებების თაობაზე ისაუბრა.
„ბოლო 24 საათში ქვეყნის მასშტაბით ჩატარდა 6 554 კვლევა ტესტით, მათ შორის 3 064 კვლევა ანტიგენის სწრაფი ტესტით და 3 490 PCR ტესტით.
ჩატარებული ტესტირების შედეგად, ბოლო 24 საათში გამოვლინდა ვირუსით ინფიცირების 1 337 ახალი დადასტურებული შემთხვევა, ხოლო ქვეყანაში კოვიდ-19-ის პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა შეადგენს 191 063-ს.
ბოლო 24 საათში ვირუსისგან გამოჯანმრთელდა 3 498 პირი, ხოლო ჯამში გამოჯანმრთელებულთა რაოდენობა გაიზარდა 161 681-მდე.
სამწუხაროდ, ბოლო 24 საათში გვაქვს კორონავირუსით გარდაცვალების 49 ახალი შემთხვევა. პანდემიის გავრცელებიდან დღემდე ვირუსს ჯამში 1 839 პირი ემსხვერპლა.”
ამ ეტაპზე ინფიცირების მიმდინარე აქტიური შემთხვევა არის 27 517, საიდანაც, 6 912 ადამიანი მკურნალობს საავადმყოფოში.
ბოლო მონაცემებით საქართველოში:
კორონავირუსით ინფიცირებულია – 191 063
გამოჯანმრთელებულია – 161 681
გარდაცვლილია – 1 839
კარანტინის რეჟიმში რჩება – 986
მსოფლიოში ინფიცირებულთა საერთო რაოდენობამ 72 მილიონს გადააჭარბა – მათგან გამოჯანმრთელდა 50 მილიონი ადამიანი და გარდაიცვალა 1,6 მილიონზე მეტი.
