კოვიდაფეთქება ტენერიფეში.კლუბმა მატჩი გადადო

ესპანეთის ლიგა-ენდესას კლუბ ლენოვო ტენერიფეში კოვიდ- პანდემია მძვინვარებს.

ინფიცირებულია 9 მოთამაშე,თუმცა კალათბურთელების ვინაობას კლუბის აფმინისტრაცია არ ახმიანებს.

გიორგი შერმადინის თანაგუნდელებს მიმდინარე წლის 29 დეკემბერს ვალენსიასთან მატჩი ელიდებოდათ,თუმცა ესპანეთის ჩემპიონატის ორგანიზატორების გადაწყვეტილებით,შეხვედრა გადაიდო.

შეგახსენებთ, რომ ქართველმა ლეგიონერმა სეზონში 9 თამაში ჩაატარა და მისი საშუალო მაჩვენებელი ასე გამოიყურება:

თითო შეხვედრაში 22:26 წუთი, 12,8 ქულა და 5 მოხსნა შერმადინის სარგებლიანობის კოეფიციენტმა კი 12,7 ქულა შეადგინა.