ლაგოდეხის ტყე-პარკი ფართოვდება [Audio/Photo]
ლაგოდეხში რეკრეაციული პარკის სარეაბილიტაციო სამუშაოები იწყება.
პროექტი ითვალისწინებს ტყე-პარკში საბავშვო ატრაქციონების და მოედნის განთავსებას, საანაგვე უნდების, სკამების და განათების მონტაჟს. გარდა ამისა, ლაგოდეხში თავისუფლების ქუჩაზე მდებარე ტყე-პარკი 800 კვადრატული მეტრით ფართოვდება.
როგორც რადიო „ჰერეთს“ ბიოლოგიურ მეურნეობათა ასოციაცია ელკანას წარმომადგენელმა სოფო ბარბაქაძემ განუცხადა, პროექტის განხორციელება მაისის ბოლოდან დაიწყება და 6 თვეში დასრულდება.
პროექტის საერთო ღირებულება დაახლოებით 80 ათასი ლარია. აქედან ნაწილს ელკანა გადაიხდის, თანადაფინანსების პრინციპით კი თანხის ნაწილს მუნიციპალიტეტი გაიღებს.
როგორც ლაგოდეხის მუნიციპალიტეტის გამგებლის მოადგილე გიორგი ბოკერიამ განაცხადა, პროექტი ხელს შეუწყობს ტურისტული ინფრასტუქტურის გაუმჯობესებას და, როგორც ადგილობრივი, ასევე უცხოელის ტურისტების რაოდენობის ზრდას.
პროექტს სტრატეგიული კვლევების ცენტრი, ელკანა და ადგილობრივი მუნიციპალიტეტი განახორციელებენ.
სოფო ბარბაქაძის და გიორგი ბოკერიას ხმა ►
