ლაგოდეხში ახალგაზრდა მამაკაცს ეძებენ

მეორე დღეა, ლაგოდეხის მუნიციპალიტეტის სოფელ ბაისუბანში ახალგაზრდა მამაკაცს ეძებენ. რადიო ჰერეთის ინფორმაციით, 36 წლის ზაქარია პაქსაშვილი სახლიდან 9 ივნისს გავიდა და მას შემდეგ აღარავის უნახავს.

ადგილობრივების განმარტებით, მამაკაცს ჯანმრთელობის პრობლემები აქვს. პაქსაშვილის მოსაძებნად, მისმა ახლობლებმა სამართალდამცავებს მიმართეს.

პოლიცია დაკარგული მამაკაცის მოსაძებნად საჭირო საგამოძიებო მოქმედებებს, მუნიციპალიტეტის მასშტაბით ახორციელებს.