ლაგოდეხში სტიქიის სალიკვიდაციო სამუშაოები მიმდინარეობს
წუხანდელი სტიქიის შემდეგ, ლაგოდეხის მუნიციპალიტეტის ნაწილს ელექტროენერგია კვლავ არ მიეწოდება.
შესაბამისი სამსახურები ძლიერი ქარისგან გამოწვეული ზიანის გამოსასწორებლად, ამ დრომდე მუშაობენ.
ქარისგან მოგლეჯილი ხეებისგან იწმინდება ლაგოდეხი-მაწიმის დამაკავშირებელი გზა, ლაგოდეხში თავისუფლდება ერთ-ერთი საცხოვრებელი სახლის სახურავიც, რომელსაც ხის ნაწილი დაეცა.
სტიქიის სალიკვიდაციო სამუშაოები, გვიან ღამით დაიწყო.
ელექტროენერგიის მიწოდების აღსადგენად, ადგილებზე იმყოფებიან „ენერგო-პრო ჯორჯიას“ ტენიკური ჯგუფებიც.
შეგახსენებთ, წუხელ, ძლიერი ქარის შედეგად, საქართველო- აზერბაიჯანის საზღვართან, ლაგოდეხის მონაკვეთზე მოძრაობა შეჩერდა. ქარისგან მოგლეჯილმა ხეებმა, გზა ჩახერგა. ხე დაეცა ერთ- ერთი ადგილობრივის ავტომობილისაც, რომელიც მსუბუქად დაზიანდა.
ლაგოდეხის მუნიციპალიტეტში სტიქიისგან მიყენებულ ზარალს ითვლიან.
