ლაგოდეხში წმინდა ნიკოლოზის ეკლესიის ნაწილი დაიწვა [ფოტო/აუდიო]
ლაგოდეხში მდებარე წმინდა ნიკოლოზის სახელობის ეკლესიის ნაწილი დაიწვა.
შენობის გადარჩენა მოხერხდა, თუმცა დამწვარია ხატების ნაწილი, საკურთხეველი და შიდა ინტერიერი. ადგილზე ეკლესიის მრევლი იმყოფება და დასუფთავების სამუშაოები მიმდინარეობს. ერთ-ერთი ადგილობრივი დავით ზედელაშვილი რადიო “ჰერეთთან” ამბობს, რომ სახანძრო სამსახურმა ადგილზე მისვლა დააგვიანა, რადგან მეხანძრე-მაშველები ცეცხლს სხვა სოფელში აქრობდნენ.
ზედელაშვილი მოსახლეობას მოუწოდებს, შეძლებისდაგვარად ეკლესიის აღდგენაში მიიღონ მონაწილეობა. ხანძარი ლაგოდეხის წმინდა ნიკოლოზის სახელობის ეკლესიაში 6 სექტემბერს დაახლოებით 19:00 საათზე გაჩნდა.
ვარაუდობენ, რომ ხანძრის გაჩენის მიზეზი ელექტროგაყვანილობა გახდა.
დავით ზედელაშვილი, ხმა ►
