რეგიონი

“კორონავირუსის მეექვსე ტალღის დასასრულს ვუახლოვდებით”-ხიზანიშვილი

“კორონავირუსის მეექვსე ტალღის დასასრულს ვუახლოვდებით” – ამის შესახებ რადიო ჰერეთს დაავადებათა კონტროლის ცენტრის კახეთის განყოფილების ხელმძღვანელმა განუცხადა.
ნელი ხიზანიშვილის ინფორმაციით, ვირუსით ინფიცირების ყოველდღიური მაჩვენებელი თითქმის ათჯერ შემცირდა.

” სტაბილიზაციის ნიშნები დაახლოებით ათი დღის წინ გამოჩნდა ნელ- ნელა დაიკლო და ახლა უკვე მეექვსე ტალღის დასასრულს ვუახლოვდებით. იყო დღეები, როცა 1200 ადამიანი ავადდდებოდა ერთდროულად. უფასო ანუ სახელმწიფო ტესტირება კვლავ რჩება, იცვლება ტესტირების რეჟიმები, მისი პერიოდულობა და ჯერადობა. დღე დღეზე ველოდებით მინისტრის ბრძანებას სადაც უფრო დეტალურად იქნება გაწერილი”- განაცხადა ხიზანიშვილმა.

დღეს რეგიონში, სულ 299 ტესტი ჩატარდა და ინფიცირების 95 შემთხვევა გამოვლინდა, აქედან  ყველაზე მეტი

24 შემთხვევა თელავში დაფიქსირდა,

ლაგოდეხში- 20

ახმეტაში -2

გურჯაანი -12

დედოფლისწყარო- 9

საგარეჯო-5

სიღნაღი-17

ყვარელი -6.

ამ ეტაპზე მკურნალობას 1452 მოქალქე გადის. 1222 პაციენტი დატოვებულია ბინაზე, ხოლო 230 კოვიდ კლინიკაში იმყოფება.

სექტემბრიდან დღემდე, კახეთში, კორონავირუსით ინფიცირების 100079 შემთხვევაა გამოვლენილი, აქედან,
98151 გამოჯანმრთელდა, 476 კი გარდაიცვალა.

მსგავსი პოსტები

Back to top button