მსოფლიო
ლიზ ტრასმა მთავრობის ახალი მინისტრთა კაბინეტი წარადგინა.
![](https://heretifm.com/wp-content/uploads/2022/09/liz-trasi-1-780x470.jpg)
გაერთიანებული სამეფოს პრემიერ-მინისტრმა, ლიზ ტრასმა მთავრობის ახალი წევრები წარადგინა.
ბრიტანეთის კანცლერი კვასი კვარტენგი იქნება, ჯეიმს კლერლი საგარეო საქმეთა მინისტრი, სუელა ბრავერმანი კი შინაგან საქმეთა მინისტრი გახდება.
ლიზ ტრასის ერთ-ერთი უახლოესი მეგობარი, ტერეზა კოფი, ჯანდაცვის მინისტრად და პრემიერ-მინისტრის მოადგილედ დაინიშნება.
თავდაცვის მინისტრი, ბენ უოლესი ერთერთია იმ მცირერიცხოვან მინისტრებს შორის, რომლებიც ახალ მთავრობაში თანამდებობებს შეინარჩუნებენ.
ლიზ ტრასი გაერთიანებული სამეფოს 56-ე პრემიერ-მინისტრად ოფიციალურად დედოფალმა გუშინ დანიშნა.