რეგიონისიახლეები

მეგის ქარდავა ციხიდან მორიგ მიმართვას ავრცელებს

ყოფილი მაღალჩინოსანი,რომელიც კიევიდან ექსტრადაციის შემდეგ სასჯელს რუსთავის პენიტენციალურ დაწესებულებაში იხდის,სპეციალურ მიმართვას ავრცელებს.

“მინდა მოგმართოთ თქვენ, ვინც ჩემი, ჩემი ძმის და მეგობრების მიმართ ცრუ და გამოგონილი ჩვენებები მიეცით.

ვიცი,ზოგიერთმა ეს საკუთარი სიცოცხლის შესანარჩუნებლად გააკეთეთ, ზოგიერთმა საკუთარი კეთილდღეობისთვის.

ვინც ეს საკუთარი სიცოცხლის შესანარჩუნებლად გააკეთეთ, რადგან ვერ გაუძელით წამებას, არაადამიანურ მოპყრობას და სექსუალური ძალადობის მუქარას, მინდა ბოდიში მოგიხადოთ თქვენ და თქვენს ოჯახის წევრებს ამ ყველაფრისათვის.

ვინც ეს საკუთარი კეთილდღეობისთვის გააკეთეთ, გეტყვით, რომ თქვენს მიმართ არანაირი შურისძიების გრძნობა არ გამაჩნია, მაგრამ მინდა იცოდეთ:  “არა არს დაფარული რომ არ გაცხადდეს “.

ყველამ დაინახა, ვინც უსამართლობაზე თვალი დახუჭა, თვითონაც გახდა იმ უსამართლობის მსხვერპლი.

მარტივი ჭეშმარიტებაა: “თუ უსამართლობას ხელს შეუწყობ და თვალს დახუჭავ, ნუ გაგიკვირდება რომ ეს უსამართლობა შენს კარებზეც დააკაკუნებს “-წერს ქარდავა სოციალურ ქსელში.

ცნობისთვის,უკვე რამდენიმე წელია ასევე სასჯელს იხდია მეგის ქარდავას ძმა,ლევან ქარდავა,რომელიც ყოფილი კუდის მაღალჩინოსანი იყო.

თავად მეგის ქარდავა 5 საქმეზეა მსჯავრდებული, მათ შორის არის სექსუალური ხასიათის ძალმომრეობითი მოქმედებები.

მსგავსი პოსტები

Back to top button