რეგიონი
ზუგდიდელი, 70 წლამდე მამაკაცი “შეფუთულ” ბუჩქებში ცხოვრობს
ზუგდიდელი, 70 წლამდე გრიგოლ ჯღარკავა, მდინარე ჩხოუშის მარცხენა ნაპირზე, მისი თქმით წელიწადია “შეფუთულ” ბუჩქებში ცხოვრობს.
როგორც თვითონ ამბობს,მას არც ოჯახი ჰყავს და არც ნათესავები.
არა აქვს ასევე პირადობის მოწმობა და არც სხვა რაიმე მაიდენტიფიცირებელი საბუთი რის გამოც პენსიასას ვერ იღებს.
იგი თავს მოსახლეობის მიერ ნაჩუქარი თანხით და საკვებით ირჩენს.
მდინარის პირას, სადაც იგი ამჟამად იმყოფება, მასთან მერის პირველი მოადგილე მივიდა.
კონსტანტინე კაკავას თქმით, მიმდინარეობს პოლიციის მხრდან პიროვნების იდენტიფიცირება, ზუსტი მონაცემების დადგენა, რის შემდეგ მას ადგილობრივი ხელისუფლება შესაბამის დახმარებას გაუწევს.
გრიგოლ ჯღარკავას შესახებ ინფორმაცია სოციალურ ქსელში ”დროას” წევრმა, მარიამ სიჭინავამ გაავრცელა.
