მნიშვნელოვანირეგიონისიახლეები
მეჩეთის ტერიტორიაზე დაწყებული დაპირისპირება მკვლელობით დასრულდა
პანკისის ხეობის სოფელ დუისში მკვლელობა მოხდა. ერთმანეთს მარგოშვილებისა და ქავთარაშვილების გვარის წარმომადგენლები დაუპირისპირდნენ.
გარდაცვლილი სოფელ დუისში მცხოვრები, 40 წლის იბრაგიმ ქავთარაშვილია.
ადგილობრივების ინფორმაციით,დაპირისპირება გარდაცვლილსა და მკვლელობაში ეჭვმიტანილ სიმონ მარგოშვილს შორის, ძველი მეჩეთის ტერიტორიაზე დაიწო.
ეჭვმიტანილმა იბრაგიმ ქავთარაშვილს ჭრილობები ცივი იარაღით მიაყენა და შემთხვევის ადგილიდან მიიმალა.
მკვლელობის მოტივი და შელაპარაკების მიზეზი ამ დრომდე უცნობია.
რადიო ჰერეთის ინფორმაციით, შინაგან საქმეთა სამინისტრომ გამოძიება სისხლის სამართლის კოდექსის 108-ე მუხლით დაიწყო. სოფელ დუისში საგამოძიებო მოქმედებები ამ წუთებშიც მიმდინარეობს
