მედია ცენტრმა კახეთმა (MCK) კახეთის რეგიონული განვითარების ფონდის (KRDF) მხარდაჭერით ახმეტაში საინფორმაციო შეხვედრა გამართა.
შეხვედრის თემა იყო არჩევნებში ახალგაზრდებისა და ქალთა მონაწილეობის გააქტიურების ხელშეწყობა.
შეხვედრაში მონაწილეობა მიიღეს ახმეტაში და პანკისის ხეობაში მცხოვრებმა აქტიურმა ადამიანებმა, სამოქალაქო და სათემო ორგანიზაციების წარმომადგენლებმა.
როგორც შეხვედრის ორგანიზატორება რადიო ჰერეთს უთხრეს, მათი მიზანია პოლიტიკური პარტიების საარჩევნო შესაძლებლობების განვითარების მხარდაჭერა.
ამისთვის შექმნეს „პროექტი საარჩევნო ლაბორატორია – პოლიტიკური პარტიების საარჩევნო შესაძლებლობების განვითარების ხელშეწყობა.პროექტის განხორციელებაში “მედია ცენტრ კახეთს“ მხარს უჭერს საარჩევნო სისტემების განვითარების, რეფორმების და სწავლების ცენტრი.
საინფორმაციო შეხვედრის ორგანიზატორი “მედია ცენტრი კახეთის” დირექტორი მაია მამულაშვილი რადიო ჰერეთთან ამბობს, რომ დღევანდელი მდგომარეობით, ქართულ პოლიტიკურ პროცესებში ქალების ჩათულობა კვლავ ძალიან მცირეა და მდგონარეობის გამოსწორებას „საარჩევნო ლაბორატორიის“ ფარგლებში ცდილობენ.
„საქართველოში ჩატარებული არჩევნების შედეგები ცხადყოფს, რომ ბოლო წლების მანძილზე კვლავ მიუღწეველი რჩება ქალთა მონაწილეობა საარჩევნო პროცესებში. საქართველოს პარლამენტის მიერ შემოღებული კვოტირების მექანიზმი, რომელიც პოლიტიკური პარტიების მიერ საარჩევნო სიებში ქალთა მონაწილეობას ხელს უწყობს ცვლილების რეალურ საფუძველს ქმნის. მიუხედავად ამისა, საარჩევნო პროცესში ქალები ნაკლებად არიან წარმოდგენილნი. ჩვენი ორგანიზაციის მიერ პროექტის „საარჩევნო ლაბორატორია“ ფარგლებში ამჟამად კახეთის საარჩევნო ოლქებში საინფორმაციო შეხვედრები მიმდინარეობს. შეხვედრების მიზანია მიზანია მოქალაქეთა ფართო ჯგუფების ინფორმირება პოლიტიკური პარტიების საარჩევნო შესაძლებლობების განვითარების ხელშეწყობა“, – განუცხადა რადიო ჰერეთს მაია მამულაშვილმა.
“მედია ცენტრი კახეთი” კახეთის რეგიონში მრავალი წელია სხვადასხვა პროექტს ახორციელებს, მათ შორის ფლობს გამოცემა “კახეთის ხმას” და Knews.ge – ს
