რუსეთმა გამოცადა საკონტინენტთაშორისო ბალისტიკური რაკეტა

რუსეთის თავდაცვის სამინისტრომ განაცხადა, რომ სტრატეგიული დანიშნულების სარაკეტო ჯარებმა საკონტინენტთაშორისო ბალისტიკური რაკეტის გამოცდა ჩაატარეს. ამ ჯარების არსენალში ბირთვული იარაღია.

რუსეთის სახელმწიფო სააგენტოებმა დღეს, 12 აპრილს, გაავრცელეს თავდაცვის სამინისტროს ოფიციალური ინფორმაცია, რომლის თანახმად, „წარმატებული გამოცდა“ 11 აპრილს ჩატარდა ასტრახანის ოლქში, კაპუსტინ იარის პოლიგონზე.

რუსეთის თავდაცვის სამინისტროს თანახმად, რაკეტის სასწავლო, საბრძოლო ნაწილმა განსაზღვრული სიზუსტით გაანადგურა პირობითი სამიზნე ყაზახეთის სარი-შანგანის პოლიგონზე. თავდაცვის სამინისტროს განცხადებით, გამოცდამ დაადასტურა, რომ სწორია ტექნიკური გადაწყვეტილებები, რომლებსაც სტრატეგიული დანიშნულების ახალი სარაკეტო კომპლექსების შემუშავებისას იყენებენ.კრემლის მიერ კონტროლირებული სააგენტო „ინტერფაქსი“ რუსეთის თავდაცვის სამინისტროს ოფიციალურ მონაცემებზე დაყრდნობით წერს, რომ კაპუსტინ იარის პოლიგონის საბრძოლო მოედნები მდებარეობს რუსეთის ოთხ და ყაზახეთის ხუთ ოლქში და მათი საერთო ფართობი დაახლოებით 9.5 მილიონი ჰექტარია.როგორც მოსკოვში აცხადებენ, რაკეტის გამოცდა წარმატებული იყო და „ამან დაასაბუთა იმ კონსტრუქციული და ტექნიკური გადაწყვეტილებების სისწორე, რომელსაც რუსეთი მიმართავს ახალი სტრატეგიული დანიშნულების მქონე სარაკეტო კომპლექსებზე მუშაობისას“.
გამოცდამ დაადასტურა, რომ ტექნიკური გადაწყვეტილებები, რომლებსაც სტრატეგიული დანიშნულების ახალი სარაკეტო კომპლექსების შემუშავებისას იყენებენ, სწორია.