მნიშვნელოვანისაქართველო
მეტროში მომხდარ ფატზე გამოძიება დაიწყო
მეტროსადგურ ვარკეთილში ჭერის ჩამონგრევის ფაქტზე შინაგან საქმეთა სამინისტრომ გამოძიება დაიწყო.
ძიება 240-ე მუხლით მიმდინარეობს, რაც სამთო-სამშენებლო სამუშაოებისას უსაფრთხოების ნორმების დარღვევას გულისხმობს.
მეტროსადგურ ვარკეთილში ჭერი 10:30 საათისთვის ჩამოინგრა. ბოლო ინფორმაციით, უბედური შემთხვევის შედეგად 14 ადამიანი დაშავდა, ერთი სამართალდამცველია.
დაშავებულები საავადმყოფოებში გადაიყვანეს. ცნობილია, რომ დაშავებულთა მკურნალობის ხარჯებს მერია და ჯანდაცვის სამინისტრო გაიღებს.
თბილისის მერის კახა კალაძის თქმით, უმკაცრესად დაისჯება ყველა დამნაშავე.
