მევენახეთა აქცია ყვარელში
ყვარლის მუნიციპალიტეტის ოთხი სოფლის მოსახლეობა დღეს სოფელ გავაზში შეიკრიბა.
მევენახეები ყურძნის ჩაბარების არსებულ ფასს აპროტესტებენ და მოითხოვენ, რომ ფასები გაიზარდოს. მათი განცხადებით, არსებული ფასები უნდა გადაიხედოს. გავაზში მევენახეებს შეხვდა ღვინის ეროვნული სააგენტოს ხელმძღვანელი გიორგი სამანიშვილი.მისი განცხადებით, ამ დროისათვის 19 გადამამუშავებელი ქარხანა მუშაობს, საიდანაც 4 სახელმწიფოა. მისივე თქმით, კოტეხის ღვინის ქარხანა რქაწითელს 70 თეთრად იბარებს და სახელმწიფოს მიერ დადგენილი ფასები არ გადაიხედება.
