მნიშვნელოვანისაქართველოსიახლეები
თბილისის საბავშვო ბაღები მუშაობას 1 მარტიდან განაახლებენ
თბილისის საბავშვო ბაგა-ბაღებში სააღმზრდელო პროცესი მიმდინარე წლის პირველი მარტიდან განახლდება. შესაბამისი გადაწყვეტილება უწყებათაშორისმა საკოორდინაციო საბჭომ მიიღო.
როგორც თბილისის საბავშვო ბაგა-ბაღების სააგენტოში განაცხადეს, იმისათვის, რომ უზრუნველყოფილი იყოს, როგორც აღსაზრდელების, ისე პერსონალის ჯანმრთელობა და ბაგა-ბაღების შეუფერხებელი ფუნქციონირება, ყველა სააღმზრდელო დაწესებულების მონიტორინგი მუდმივ რეჟიმში განხორციელდება.
თბილისის საბავშვო ბაგა-ბაღების სააგენტოში განმარტავენ, რომ სააღმზრდელო პროცესის განახლების შემდეგ, შეწყდება სოციალური პროექტი, რომლის ფარგლებშიც, აღსაზრდელებისთვის განკუთვნილი საკვები პროდუქტები გაიცემა.
თბილისში ამჟამად, 185 საბავშვო ბაღი ფუნქციონირებს, სადაც 61 000-მდე აღსაზრდელია რეგისტრირებული.