ნინო ბურჯანაძე თანაპარტიელებმა დატოვეს [აუდიო]
ნინო ბურჯანაძის “დემოკრატიულ მოძრაობას” პარტიის გენერალური მდივანი და კიდევ 2 წევრი ტოვებს. ზაზა ვეკუა, თამარ ცინცაბაძე და შალვა ოგბაიძე, რომლებიც თბილისის საკრებულოს წევრებიც არიან, ადასტურებენ ამ ინფორმაციას.
რუსთავი 2-ს მიერ გავრცელებული ინფორმაციით, მათი პარტიიდან წასვლა საქართველოს “უბლოკო სტატუსის” შესახებ პოლიტიკურ განაცხადს უკავშირდება. შესაბამის დოკუმენტზე ამ სამიდან არც ერთს არ აქვს ხელი მოწერილი.
ბურჯანაძის ყოფილი თანაპარტიელების: ზაზა ვეკუას და თამარ ცინცაბაძის ხმა ►
გაერთიანებული დემოკრატები ყოფილ 3 თანაგუნდელს მორალს ახსენებენ და საკრებულოს დატოვებისკენ მოუწოდებენ. განცხადება პარტიის ოფისში ბაკურ ბაკურაძემ გააკეთა. პარტიის საზოგადოებასთან ურთიერთობის ხელმძღვანელი ამბობს, რომ 3 წევრის დატოვების გამო პარტია არ დაზარალდება.
ბაკურ ბაკურაძის ხმა ►
