“მთაწმინდის ფერდობზე ხანძარი ლოკალიზებულია”
მთაწმინდაზე ხანძრის ძირითადი კერები ლოკალიზებულია. ცეცხლის ქრობის პროცესში ჩართულია ვერტმფრენიც.
ხანძარი დაახლოებით 2 ჰექტარზე იყო გავრცელებული. ცეცხლი ბალახსა და ბუჩქნარს გაუჩნდა. მთაწმინდის ფერდობზე ამ დრომდე დაკვამლიანებაა. ადგილზე იმყოფება 50-ზე მეტი მეხანძრე-მაშველი და 10-მდე სამაშველო ტექნიკა.
როგორც საგანგებო სიტუციების მართვის სააგენტოში განაცხადეს, შვეულმფრენის ჩართვა რთული რელიეფის გამო გახდა საჭირო.
