კომუნიკაციის ნაკლებობა კახეთში მწარმოებლებსა და სასტუმროების მფობელებს შორის
კახეთში რძის პროდუქტების, ხორცის მწარმოებლებისა და სასტუმროების მფობელთა დაახლოების მიზნით ყვარელში ღონისძიება “რეგიონიდან რწეგიონისთვის” გაიმარათა.
როგორც ორგანიზატორებმა თქვეს, შეხვედრის მთავარ მიზანს მეწარმეების და სასტუმროების, ასევე რესტორნების ერთმანეთთან დაკავშირება წარმოადგენდა. შეხვედრაზე სპეციალური კვლევა გასაჯაროვდა, რომლის მიხედვითაც ირკვევა, რომ კახეთში მოქმედი სასტუმროები და რესტორნები რძისა და ხორცპროდუქტებს თბილისში ყიდულობენ, მაშინ როცა უმაღლესი ხარისხის პროდუქცია კახეთშვე იწარმოება.
პროექტის “მოლი კახეთში” მენეჯერის ალექსანდრე ღოღობერიძის თქმით, “ეს შეხვედრა მხარეებისთვის მნიშვენლოვანი და აუცლებელი იყო”.
ღონისძიებაზე რძისა და რძის პროდუქტების მწარმოებლებმა სადეგუსტაციოდ საკუთარი პროდუქცია წარადგინეს. რძის პროდუქტების მწარმოებელთა ასოციაციის აღმასრულებელი დირექტორი კახა კონიაშვილი ამბობს, რომ თავად მეწარმეები და სასტუმროს მენეჯერები აღნიშნავენ, რომ “ადგილობრივ ბაზარზე მათ შორის კომუნიკაციის ნაკლებობაა”.
მწარმოებლებსა და სასტუმროებს შორის კომუნიკაციის ნაკლებობაზე საუბრობს ერთ-ერთი სასტუმროს მენეჯერი ნიკა ზაქარეიშვილიც. მისი თქმით, ასეთი ურთიერთობებით მხარეები მომგებიან პოზიციაში აღმოჩნდებიან.
შეხვედრის მონაწილეები აღნიშნავენ, რომ იმ შემთხვევაში თუკი კახეთში მომუშავე სასტუმროები და რესტორნები პროდუქციას არა თბილისში, არამედ ადგილზე შეიძენენ ამით სასტუმროებისა და რესტორნების მომხმარებლებიც ისარგებლებენ. მათ კონკრეტულ პროდუქტში უფრო ნალების გადახდა მოუწევთ. შეხვედრა პროექტის “მოლი კახეთში” მიერ იყო ორგანიზაბული.
