“ერთ ჰექტარზე მოგება რჩება 125 ლარი და ამით ვიცხოვროთ?” – მევენახე

“დღეს ყურძენს რა ფასიც აქვს, ერთ ჰექტარ ვენახზე მოგება რჩება 125 ლარი და ამ თანხით ვიცხოვრო მთელი წელი?” – ამ სიტყვებით მიმართა მევენახემ რადიო „ჰერეთის“ ეთერში ჩართვისას ღვინის ეროვნული სააგენტოს ხელმძღვანელს გიორგი სამანიშვილს, რომელიც თოქ-შოუ თავისუფალი დროს სტუმარია.

მევენახემ განაცხადა, რომ ერთი ჰექტარი ვენახის მოვლა 4 ათასი ლარი ჯდება და ამას თავად ღვინის სააგენტოც ამბობს.

„მე და ჩემი მეუღლე ვუვლით ვენახს. ახლანდელი ფასით მოსავალი რომ ჩავაბაროთ ჩვენ ავიღებს 7 ათას ლარს. ვენახს ვუვლით მე და ჩემი მეუღლე. 7 ათას ლარს გამოვაკლოთ 4 ათასი მოვლის. რჩება სამი ათასი. ახლა ეს სამი ათასი გავყოთ ორ ადამიანზე. რჩება 1500 ლარი კაცზე. ახლა ეს 1500 გავყოთ 12 თვეზე და გამოდის, რომ გლეხს თვეში მოგება რჩება 125 ლარი და ამ თანხით ვიცხოვრო მთელი წელი?”- განაცხადა და იკითხა მევენახემ.

მევენახეს გიორგი სამანიშვილმა უპასუხა:

“სახელმწიფოს საერთოდ არ სჭირდება ყურძენი, რომ ჩაიბაროს, მაგრამ ამას იმიტომ აკეთებს, რათა გლეხი საერთოდ ზარალზე არ წავიდეს ეს იმ შემთხვევაში თუ კერძო მყიდველი არ იქნება. საბედნიეროდ საქართველოში კერძო მყიდველი არის, თუმცა წელს ყურძენზე მოთხოვნა ნაკლებია, მიზეზთა გამო. მაგრამ ხარისხიანი ყურძენს ჩაუბარებელი არ დარჩება. ისიც უნდა გვახსოვდეს, რომ ეს სუბსიდირების თანხა აკლდება თითოეულ ჩვენგანს და დახმარების სახით ეძლევა მევენახეს”, – განაცხადა გიორგი სამანიშვილმა.

მოუსმიენთ აუდიომასალას

მსგავსი პოსტები

Back to top button